Azərbaycan Respublikasının Prezidenti İlham Əliyev cənablarına

Azərbaycan Respublikasının
Prezidenti İlham Əliyev cənablarına

Surəti: Respublika Prokurorluğu Nəzdindəki
Korrupsiyaya Qarşı Mübarizə
İdarəsinin rəisi cənab K. Əliyevə

Surəti: “Azərenrji” ASC-nin prezidenti
cənab E. Pirverdiyevə

Cənab Prezident və hörmətli ünvan sahibləri!

Redaksiyamıza daxil olan və qəzetimsiz vasitəsi ilə işıqlandırılan,dövlətimizdə yaşanan problemlərin çoxu məmur özbaşnalığı, onların vəzifələrindən sui istifadə etmələri, dövlət əmlakını müxtəlif yollarla mənimsəmələri, tabeçiliyində olan işçilərlə kobud davranış qaydaları, bugünkü gündə yenədə gündəmdədir. Qəzetimizin 26 oktyabr 07 noyabr 2013-cü il N24(42)sayının 2-ci səhifəsində,Tovuz rayonunun Kirən kənd sakini İsayev Rəfi Mədəd oğlunun şikayət ərizəsinin jurnalist araşdırmalarının nəticəsi haqqında məlumat vermisdik.Qəzetimizdə "Azərenerji" ASC kimi strateji əhəmiyyətli dövlət qurumunun kadrlardan düzgün istifadə etmək əvəzinə, qurumun prezidenti Etibar Pirverdiyevin adından istifadə edən köməkçisi Məhərrəm Nəcəfov özü və əlaltıları haqqında ətraflı məlumat vermişdik. "Azərenerji" ASC-nin prezidenti Etibar Pirverdiyev cənabından, köməkçisi Məhərrəm Nəcəfovun özbaşnalığını üzə çıxarmaq üçün İsayev Rəfi Mədəd oğlunu şəxsən özünün qəbul etməsini xahiş etmişdik. Bununla əlaqədar "Azərenerji" ASC-nin baş mühəndisi H.Həsənov cənabı, ədalətli araşdırma apardıqdan sonra 06.12.2013-cü il tarixdə 03/08/812 saylı məktubla redaksiyamıza cavab vermişdir. Hörmətli baş mühəndisin cavabında bildirilir ki,həqiqətəndə Rəfi İsayev "Azərenerji" ASC-nin Enerji Təchizat İdarəsinə dəvət edilmiş,şikayət ərizəsi ilə əlaqədar müvafiq söhbət aparılmış və hətta izahatı alınmışdır. Məlum olmuşdur ki, İsayev Rəfi Mədəd oğlu "Azərenerji" ASC-nin Enerji Təchizat İdarəsinin razılığı əsasında, "Şəki REŞ" MMC-nin direktorunun 02.12.2010-cu il tarixli,110\KŞ saylı əmrinə əsasən Qəbələ EŞ-nə satış üzrə müavini vəzifəsinə təyin edilmiş, işlədiyi müddətdə o,özünü məqalədə göstərildiyi kimi heç də peşəkar bir işçi kimi göstərə bilməmiş,enerji satış işini günün tələblərinə uyğun qura bilməmiş və dəfələrlə edilmiş şifahi xəbərdarlıqdan nəticə çıxarmadığına görə barəsində intizam tədbirləri görülmüşdür(baxmayaraq ki,həmin intizam tədbirləri haqqında heç bir məlumat verilməmişdir).Əlavə olaraq “Azərenerji" ASC-nin baş mühəndisi H.Həsənov cənabı Rəfi İsayevin iş keyfiyyətinin aşağı olması ilə əlaqədar ona “töhmət", “şiddətli töhmət" verilməsinin səbəbləri haqqında onun bağlanmış əmək müqaviləsinə əsasən "Şəki REŞ" MMC-nin 10.01.2013-cü il tarixli 15/KŞ saylı əmrinə əsasən öz xahişi ilə işdən azad olunmasını bildirmişdir.Sonradan "Azərenerji" ASC-nin rəhbərliyi Rəfi İsayevin işə qayıtmasını təklif etsələr də,o səhəti ilə əlaqədar işləmək istəməməsini bildirmişdir. Ən nəhayət hörmətli “Azərenerji”ASC-nin baş mühəndisi H.Həsənov cənabının "Dünya Kriminalı" qəzetində verilən məqalədə heç bir jurnalist araşdırması aparılmamasını və bu jurnalist araşdırmasında "abonent bazasının 80-85%-ə çatdırılması" ifadəsi əvəzinə,elektrik şəbəqəsinin ümumi yığın səviyyəsinin qeyd olunmaması, jurnalistin və ona bu informasiyalari verən şəxsin qeyri-peşəkarlığından, heç bir jurnalist araşdırması aparılmamasından xəbər verməsini bildirməsidir.
“Dünya Kriminalı” qəzetinin əməkdaşları, “Azərenerji” ASC-nin baş mühəndisi H.Həsənov cənabının redaksiyamıza göndərdiyi məktubda göstərilən faktların araşdırma apardıqdan sonra öz təstiqini tapmaması və jurnalistlərin qeyri-peşəkar olması haqqında ətraflı bizə məlumat verməsinə görə biz Sizə minnətdarıq. Görünür ki, Siz "Azərenerji" ASC-nin baş mühəndisi vəzifəsini icra etməmişdən əvvəl,peşəkar jurnalist olmusunuz.Sizin həm "Azərenerji" ASC-nin baş mühəndisi kimi,həm də jurnalist kimi peşəkarlığınız göz qabağındadır. Jurnalist peşəkarlığınızı kənara qoyub, "Azərenerji" ASC-nin baş mühəndisi kimi Sizin peşəkarlığınızdan söhbət açmaq istərdik.
I. “Azərenerji” ASC-nin prezidenti Etibar Pirverdiyevin, köməkçisi Məhərrəm Nəcəfovun, baş mühəndis kimi Sizin, Enerji Təchizat İdarəsinin rəisi T.Bağırovun,adları çəkmədiyimiz bəzi əməkdaşlarımızın aşağıda göstərilən "Şəki REŞ" MMC-də baş verən özbaşnalığdan və qeyri-qanuni şəbəkəyə qoşulmuş obyektlərdən xəbəriniz varmı?
Hələlik Şəki rayonu üzrə
1)Baş Göyrük-xəstəxanasında;
2)2-ci Aşağı Göynük xəstəxanasında;
3)Layski kənd orta məktəbində;
4)17saylı məktəbdə artezian quyusu özbaşına qoşulması;
5)Olimpiya Kompleksinə tələb olunan transformator qoyulmayıb(4MNA)
6)Açıq Teatr-Yuxarı Qala sahəsində;
7)Doğum Evi
8)Şəki Su hövzəsi;
9)Park Axundov və.s obyektlərdə texniki şərtlər pozulmuşdur.İndi hal-hazırda bu faktiki nöqsanların bəziləri bərpa edilmişdir.
Siz peşəkarlar cavab verə bilərsinizmi ki, "Şəki REŞ" MMC-nin direktoru Elşad Məmmədov və onun himayədarları dövlətin milyonlarla manatını mənimsəyərək,kimlər arasında necə bölüşdürürdülər.
II. Himayədarlar haqqında;
"Şəki REŞ" MMC-nin direktoru Elşad Məmmədovdan başqa Saleh Məmmədliyə arxalanan texniki direktor demək olarsa bu nöqsanlarda Nadir Əhmədovda məsuliyyət daşıyır(baxmayaraq ki,vaxt ilə enerji sistemi Gəncədən "Bayva" dövründə işdən 70C bəndi ilə "Şəki REŞ" MMC-nin satış üzrə müavini vəzifəsindən azad edilib). "Şəki REŞ" MMC-nin ərazisində yuxarıda adları göstərilən obyektlərin şəbəkəyə qoşulmasında,enerjiyə nəzarət edən satış üzrə müavini Nadirov Faiq və Elşad Məmmədovun sağ əli Əmirkişiyev Müstəd müəllimdə məsuliyyət daşıyırlar. Lakin bu günə kimi,adları çəkilənlər Sizin baş idarəni saymayaraq, aldadırlar,özləridə heç kimdən çəkinmirlər.Səbəbi isə aydındır.Çünki Elşad Məmmədov kimi rəislərin,Məhərrəm Nəcəfov kimi arxaları var.Adları çəkilən siyahıdan başqa "Şəki REŞ" MMC-nin direktoru Elşad Məmmədov rəhbərliyə gəldikdən sonra, vaxt ilə mal-qara oğurluğu ilə məşğul olan,hərbi xidmətdən fərari olan İmanov İslam Aslan oğlunun adı da tez-tez hallanır. İslam İmanovun qudası Mingəçevir şəhərində yaşayan Məhəmməddir. "Şəki REŞ" MMC-də Məhərrəm Nəcəfovun adından istifadə edərək,at oynadan İslam İmanov və Əli Hüseyinovla bərabər Hacı Murad adlı qudası 2000-ci ildə Qax rayonu ərazisində "Azərenerji" ASC-ə məxsus,10km-dən artıq elektrik xəttini satarkən,yerli polis əməkdaşları tərəfindən yaxalanmasını yada salmaq pis olmazdı.Məhərrəm Nəcəfovun qaynı, sürücü işləyən Məhəmməd "Azərenerji" ASC-nin "Kadr və Maliyyə" işlərinə baxandır.Məhəmmədin qızı Məhərrəm Nəcəfovun katibəsi,oğlu isə İslam İmanovun yeznəsidi.Bir sozlə "Şəki REŞ" MMC-nin inhisarında olan qruplaşma "Azərenerji" strukturunda bütünlüklə əksər vəzifələrə yiyələnmişlər.
Hörmətli ASC-nin baş mühəndisi cənab H.Həsənov!
Sizin "Şəki REŞ" MMC-də baş verən bu ozbaşnalığdan xəbəriniz varmı? Əminik ki,var çünki bütün işlərdə peşəkarsınız.Sizin bizim redaksiyaya göndərdiyiniz məktubdan sonra "Azərenerji" ASC-nin Təchizat İdarəsinin rəisi T.Bağırovun Şəki rayonuna ezamiyyətə gedərək, "Şəki REŞ" MMC-nin direktoru Elşad Məmmədova verdiyi vədlər barədə də gələcəkdə sözümüzü deyəcəyik. Hələlik "Şəki REŞ" MMC-nin təkcə Şəki rayonunda olan nöqsanlara Respublika Baş Prokurorluğunun Korrupsiyaya qarşı mübarizə idarəsi qarışsa daha yaxşı olardı.
Hörmətli "Azərenerji" ASC-nin baş mühəndisi cənab H.Həsənov!
Əgər saydığım nöqsanların və bəzi bölgələrdəki özbaşnalığın qarşısını almaq istəyirsinizsə,Tovuz rayonu Kirən kənd sakini İsayev Rəfi Mədəd oğlunu "Azərenerji" ASC-nin prezidenti Etibar Pirverdiyevin şəxsən qəbuluna düşməsi vacibdir.Əminik ki,bu qəbul görüşünə köməklik göstərəcəksiniz. Axı Siz peşəkarsınız. Başqa bölgələr haqqında jurnalist araşdırması başa çatdıqdan sonra məlumat verəcəyik. Onlarda vəziyyət daha acınacaqlıdır.
Cənab Prezident!
Sizdən xahiş edirik ki, dövlətimizin milyonlarla manatını mənimsəyən qruplaşmalara hüquqi qiymətin verilməsinə, şikayətçi R.İsayevi "Azərenerji" ASC-nin Prezidenti Etibar Priverdiyevin şəxsən özü qəbul edərək ədalətli araşdırma aparmalarına köməklik göstərəsiniz. Demək olar ki, Azərbaycanımızın bütün bölgələrində belə nöqsanlar çoxdur.
Əvvəlcədən Sizə minnətdarlığımızı bildiririk.



“Dünya Kriminalı"
qəzetinin baş redaktoru: Ə.Təzəxanoğlu